• Подпишитесь на нас:
AZ | RU | EN

“Əziz, tələbə gənclər! 

İctimai fəaliyyətimin qısa xronikası ilə tanış olmaq çox güman ki, sizin üçün maraqlı olmuşdur. Bəzən digər bir insanın simasında həyatın bəzi səhnələrini izlədikdə, ondan daha yaxşı nümunə götürə bilirik. Bəlkə də, ictimai fəaliyyətə başlayanda bu pillələrə gəlib çatmağımız heç bir katiblik üzvü üçün inandırıcı deyildi. Buna baxmayaraq, hədəfə doğru irəliləməyimiz və əlbəttə ki, ATGTİ-nin bizə dəstəyi ictimai sferada inkişafımıza səbəb oldu. Ətrafımızdakı könüllü gənclərimiz gördüyümüz işlərdə bizə xeyli yardımçı olurlar. Artıq könüllülərin simasında biz yeni-yeni ictimai-fəal gənc kimi yetişən, müvəfəqiyyətlərin birindən digərinə irəliləyən tələbələr görürük. İndi bu yolda daha böyük inam və ümidlə hərəkət edir, daha böyük həvəslə, daha böyük işlərə imza atmağa çalışırıq.

Yəqin ki, bir çox həmkarım öz yazısında "ATGTİ mənim ailəmdir" fikrini qeyd edəcək. Çünki artıq bu fikir bizim ali dəyərimizə çevrilib. Bəli, ATGTİ bizim ailəmizdir və o sürətlə böyüyür, inkişaf edir.

Sürətlə böyüyən ailənin bir üzvünə çevrilmək istəyirsinizsə,  mütləq bizə qoşulun :)”

 Ramin Həbibzadə

Həbibzadə Ramin Zahid oğlu 06.11.1995-ci il tarixində Xanlar şəhərində anadan olub. Atası hərbçi olduğuna görə Sumqayıta köçmüş və orta məktəb təhsilini bu şəhərdə almışdır. 9-cu sinfə qədər İ.Qayıbov adına 1 saylı tam orta məktəbdə təhsil almış, 10-11-ci sinifləri isə C.Səfərov adına 10 saylı tam orta məktəbdə alaraq, həmin məktəbdən məzun olmuşdur. 2013-cü ildə Azərbaycan Dillər Universitetinin Beynəlxalq Münasibətlər və Regionşünaslıq fakültəsinə qəbul olaraq, bakalavr təhsilini alıb. 2017-ci ildə Azərbaycan Dillər Universitetində öz ixtisasını davam etdirərək, magistrant adını qazanıb. Həm bakalavr, həm də magistratura pilləsində təhsil alarkən, yalnız təhsil almaqla kifayətlənməmiş, eyni zamanda, ictimai işlərdə də öz potensialını göstərmişdir. Belə ki, Ramin Həbibzadə 2015-ci ildən etibarən Azərbaycan Dillər Universiteti (ADU), Tələbə Gənclər Təşkilatı (TGT) nəzdində fəaliyyət göstərən Tələbə Diplomatlar Klubunun sədri olub. 2017-ci ildə o, TGT-nin sədri vəzifəsini icra edib. Həmin ildən, bir neçə ay sonra Azərbaycan Tələbə Gənclər Təşkilatları İttifaqında (ATGTİ) çalışmağa başlamış, Beynəlxalq Əlaqələr Departamentinin direktoru olmuşdur. Bu dövrdə vətənimizi bir sıra xarici ölkələrdə təmsil etmişdir.

2019-cu ilin mart ayından etibarən ATGTİ-nin Baş Katibi vəzifəsində çalışır.

Baş Katib